Параўнальны аналіз навінных Інтэрнэт-рэсурсаў: tut.by, news.google.com, telegraf.by

Параўнальны аналіз навінных Інтэрнэт-рэсурсаў: tut.by, news.google.com, telegraf.by

Безмацерных Кацярыны, 3 курс, 3 група

Чаму цікавыя мне гэтыя СМІ менавіта?

Чаму абрала менавіта гэтую тэму? Колькасць Інтэрнэт-карыстальнікаў усё павялічваецца. Паводле даследвання, праведзенага ў красавіку 2007 года, інтэрнэтам у Беларусі карыстаюцца 35 % насельніцтва. (А ў суседняй Расіі ўсяго 16 %).

Інтэрнэт-выданні вылучаюцца сваёй аператыўнасцю, папаўняюцца навінамі штодзень, а то і штогадзіну. Такім чынам, папяровыя газеты саступаюць у аператыўнасці Інтэрнэт-СМІ. І тая навіна, што з'явілася ў газеце-штотыднёвіку, падаўна была размешчана ў сеціве. Я лічу, што навінныя матэрыялы ў будучым будуць знікаць са старонак газет. Няхай там застаецца аналітыка і публіцыстычныя артыкулы.

Параўнальны аналіз

Папулярнасць абраным мной СМІ дадаюць розныя дадатковыя паслугі: так, напрыклад, тут можна размяшчаць паштовую скрынку.

Беларускі партал tut.by (раздзел “навіны”), міжнародны news.google.com можна аднесці да так званых СМІ-“агрэгатараў”. То бок напісаннем навінаў там займаюцца не журналісты. На tut.by яны трапляюць з усемагчымых інфармацыйных агенцыяў, газет і інтэрнэт-парталаў (“Комсомольская правда”, lenta.ru, БелаПАН, БЕЛТА). Размяшчэннем іх займаецца пэўны рэдактар. У рэдкіх выпадках артыкулы пішуцца якім-небудзь журналістам адмыслова для партала.

tut.by аналізуецца мной у выбітны дзень 18 снежня: сёння тут была размешчана стотысячная навіна (паводле навейшай тэрміналогіі, нататка называецца ўжо не нататкай, а навіной). Першая навіна тут з'явілася 3 кастрычніка 2000 года.

Партал tut.by двухмоўны, што, на мой погляд, робіць яго больш шматгранным (білінгвістычная краіна ў нас як ніяк!). Хаця артыкулаў, пісаных моваю Коласа ды Купалы, значна, значна меней.

Лічу, што tut.by з'яўляецца адным з самых аб'ектыўных СМІ ў Беларусі. Артыкулы тут размяшчаюцца як з афіцыйных, дзяржаўных, СМІ (“СБ”, “Звязда”), так і з апазіцыйных (“Салідарнасць”)

На news.google.com прынцып працы іншы, значна больш прагрэсіўны, чым на tut.by. Не дзіва, вядома ж, бо гэта міжнаодны парнтал.. Навінамі тут займаецца нават не рэдактар, а адмысловая праграма. Тут збіраюцца з дапамогай спасылак УСЕ артыкулы, якія ёсць у сеціве на гэтую тэму. Выглядае гэта так:

“Турция перешла границу Газета.Ru- 1 час назад В ночь на вторник турецкие войска вторглись на территорию Северного Ирака. Как сообщает агентство Reuters со ссылкой на представителей иракских властей, группа численностью порядка 300 военнослужащих с легким вооружением пересекла границу с Ираком в горном районе Гали Раш и продвинулась на 2-3 километра вглубь территории сопредельной страны. Несмотря на то, что сообщений о столкновениях турецких войск с курдскими сепаратистами, действующими на территории Северного Ирака, пока не поступало, ... Турецкие военные перешли иракскую границу Би-би-си В Северный Ирак вторглись 1500 турецких военных Вести.Ru Московские новости- Медиагруппа "Звезда"- Росбалт.RU- РИА Новости похожие статьи: 182» (Падкрэсленая інфармацыя з'яўляецца спасылкамі, якія можна разгарнуць) Як бачым, партал , news.google.com значна больш “мудрагелісты”, чым наш родненькі tut.by . Размяшчэнне шматлікіх артыкулаў на адну і тую ж тэму з розных СМІ дае магчымасць раскрыць з'яву рэчаіснасці усебакова, а таксама прыводзіць да аднаго з асноўных прынцыпаў журналістыкі - АБ'ЕКТЫЎНАСЦІ. Таксама news.google.com вылучецца аператыўнасцю і дакладнасцю. Навіны, паводле з'яўлення ва ўсемагчымых СМІ, абнаўляюцца, ля кожнага артыкула размяшчаецца час ( на tut.by час з'яўлення навіны не ўказваецца)

Беларускі рэсурс telegraf.by не такі знакаміты, як tut.by. З іншага боку, ён і больш “позні”, самы “малады” з трох рэсурсаў, што трапілі ў маё сціплае даследаванне.(з'явіўся ў 2005 годзе). Таму, канешне ж, ён менш аўтарытэтны. Партал не з'яўляецца СМІ-“агрэгатарам”, бо напісаннем навінаў (як я мяркую, паводле матэрыялаў інфармацыйных агенцыяў) тут займаюцца супрацоўнікі выдання. Чым ён адрозніваецца ад tut.by? Апасля кожнай навіны тут ёсць спасылкі па тэме і сайты па тэме, што дае зацікаўленым расшырыць сваю кампетэнцыю ў дадзенай галіне. telegraf.by выключна рускамоўны, у адрозненні ад tut.by. Тут ля кожнай навіны ёсць час яе з'яўлення. Некаторыя матэрыялы падмацоўваюцца відэа (прагрэсіўныя крокі ў беларускай Інтэрнэт-журналістыцы!) Яшчэ адно адрозненне ад tut.by: telegraf выглядае значна больш каляровым. Нават калі мы не будзем разгортваць далей навіну, то ўсё адно бачым ля загалоўка фотаілюстрацыю. Так што для мяне візуальна telegraf больш цікавы і больш аптымістычны і радасны, бо шматколерны!

Заключэнне

Пакуль Інтэрнэт-Смі ў Беларусі не з'яўляюцца СМІ дэ-юрэ. Але ж дэ-фактэ могуць па сваёй масавасці, калі не перагнаць папяровыя, то размясціцца з імі ў адным шэрагу.

tut.by, telegraf.by па аператыўнасці, адпавяданні найноўшым тэхналогіям, змястоўнасці адстаюць ад міжнароднага навіннага партала news.google.com. Але ж ці варта сумаваць з гэтай нагоды і злосна крытыкаваць беларускія сеціўныя выданні? Урэшце рэшт, Інтэрнэт нарадзіўся ў ЗША, а не на постсавецкай прасторы. Няхай факт адставання беларускіх мас-медыя будзе стымулам для далейшага развіцця, а не для песімізму.